VIDEO: Kamata, Kafumu wajiuzulu Kamati ya Bunge

Monday , 20th Mar , 2017

Mwenyekiti na makamu mwenyekiti wa kamati ya bunge ya viwanda, biashara na mazingira wamejiuzulu katika nafasi zao kwa madai kamati imekuwa ikikutana na changamoto nyingi zinazowasababishia kushindwa kutekeleza majukumu yao ipasavyo.

Mwenyekiti wa kamati hiyo, Dk. Dalali Kafumu, ambaye ni mbunge wa Igunga na makamu mwenyekiti wake, Vicky Kamata, wametoa taarifa hiyo leo wakati wakizungumza na waandishi wa habari katika moja ya kumbi za bunge mjini Dodoma leo.

Mwenyekiti aliyejiuzulu, Dalali Kafumu, amesema nafasi hizo zimekuwa zikiwafanya kukosa muda wa kufanya majukumu mengine ikiwamo kuwatumikia wananchi hivyo wamepeleka barua ya kujiuzulu kwa spika wa bunge.

Kwa upande wake makamu mwenyekiti aliyejiuzulu Vicky Kamata amesema kilichomfanya kufikia uamuzi huo ni kutokana na changamoto mbalimbali wanazokutana nazo ambazo ameshindwa kuziweka wazi.

Viongozi hao wamezitumikia nafasi hizo kwa kipindi cha mwaka mmoja na nusu huku spika wa bunge, Job Ndugai, akithibitisha kupokea barua ya viongozi hao.

Wasikilize hapa

 

Recent Posts

Nahodha msaidizi wa Azam FC, Himid Mao (Kulia) akiwa na mshambuliaji Mghana, Enock Atta Agyei (Kushoto)

Sport
Tupo fiti kuwavaa Simba Jumamosi - Himid Mao

Makamu wa Pili wa Rais wa Zanzibar, Balozi Seif Ali Iddi.

Current Affairs
Watanzania tudumishe Muungano - Balozi Seif Iddi

Waziri wa Afya, Maendeleo ya Jamii, Jinsia, Wazee na Watoto Bi. Ummy Mwalimu

Current Affairs
Kupima Malaria sasa ni bure - Waziri Ummy Mwalimu

Mchekeshaji maarufu nchini Steven Nyerere

Entertainment
Steve Nyerere amtaja mchawi wa bongo movie